No enfoque Leader é esencial que os grupos de desenvolvemento rural, que representen os intereses das comunidades locais, se encarguen do deseño e execución das estratexias de desenvolvemento local participativo, podendo, así mesmo, desenvolver tarefas suplementarias delegadas pola autoridade de xestión ou o organismo pagador. As estratexias deben desenvolverse e apoiarse baixo a responsabilidade das autoridades de xestión e organismos intermediarios, que deben encargarse da selección das operacións que deben recibir apoio ou participar na devandita selección.

Financiamento do PEPAC 2023-2027:

• Fondos FEADER: 80%
• Xunta de Galicia: 4%
• Administración Xeral do Estado: 16%

Tendo en conta as características específicas do territorio rural galego e co obxectivo de acadar un desenvolvemento territorial equilibrado, incluíndo a creación e a conservación do emprego, a intervención Leader para o período 2023-2027 en Galicia, orientarase á consecución prioritaria dos seguintes, obxectivos:

• Promover o emprego, o crecemento, a igualdade de xénero, incluída a participación das mulleres na agricultura, a inclusión social e o desenvolvemento local nas zonas rurais, entre elas a bioeconomía circular e a silvicultura sustentable. Así mesmo, atende á necesidade de asegurar e fomentar a implementación dun desenvolvemento endóxeno e a xeración de valor engadido asociada á metodoloxía participativa.